Bisan ha luyo han pandemya durot han Covid-19, padayon iton pag implementar han mga proyekto ha bungto han Guiuan nga pinamumunoan ni Mayor Annaliza Gonzales-Kwan, Vice Mayor Veronica Cabacaba-Ramirez ug mga konsehales.

Usa hini adton padayon ngan harani na mahuman nga pag concreto han kalsada han Loyola Street.

Ini nga nasabi nga dalan an nag seserbi nga nag una nga agianan han mga motorista tipagawas ug pasulod han bungto nga natikang ha pira nga kabarangayan han east side han bungto sugad han tikang ha Sulangan tipakada ha bungto han Guiuan.