Ha panuyo nga mahigamitan ug makapag operate na ini nga Community Fish Landing Center nga nahimumutang ha Brgy. 06 ha bungto han Guiuan.
An opesina han Bfar, LGU Guiuan pina agi han Office of the Municipal Agricultural Services an nag pahigayon hin usa nga ocular inspection hadton nag agi nga biyarnes Agusto 14, 2020.
Sigun hiton kasayuran nga nakuha pina agi kan Konsehal Carlito Abrugar an Chairman han comitiba han agricultura han Sangguniang Bayan, ug Municipal Agriculturist Mr. Efren Berongoy ngan tinaglawas han Bfar an ira ini igin kadto an fish landing agud masayran an sitwasyon han pasilidad ug ma review an mga papilis hini ha butnga han LGU ug Bfar.
Sumat pa gihapon ni konsehal Abrugar, paniningkamutan nira ha konseho nga ma review ug mahingadayan ini nga pagtaga fish landing kay usa ini hiton mga panuyo ni Mayor Annaliz Gonzales Kwan nga ma abrihan ug mapa ursa an economiya han pangisdaan ha aton bungto.
Nasayran pa kan Konsehal Abrugar, dara han mga nag labay nga bagyo human nga mahuman ini nga pasilidad may ada na mga gugtiay nga ruba ug kinahanglan nga mapa-upay ha pinakamadagmit nga panahon ug antis nga pag-abrihan an mao nga fish landing. #ACO
Photo from Konsehal Carlito Abrugar
