Mayor Annaliza Gonzales Kwan is Happy to receive Pedicab

20 August 2020

MAYOR ANNALIZA GONZALES KWAN IKINALIPAY NGA NAKAKARAWAT AN ASOSASYON NGA PDOA HIN PEDICAB TIKANG HA DOLE

Sumatotal 30 kabug-os nga mga bag-o nga pedicab in natagamtaman han Pedicab Driver Operators Association o kun PDOA nga iginhatag han Department of Labor and Employment (DOLE) pinaagi han opisina han Public Employment Service Office (PESO) kaupod hi Guiuan Municipal Mayor Annaliza Gonzales- Kwan kabakyang an bug-os nga pwersa han Sangguniang bayan members ha pangunguna ni Vice Mayor Veronica Cabacaba Ramirez hadton Aug. 19, 2020.

San-o pa man nira makarawat nga hinabang in ginpailarom anay hira hin usa nga basic business skill and orientation seminar nga kundiin ira nahibaruan an importansya han maupay pamatasan, eksakto nga pag-ataman han panlawas nga aspeto ngan tagan hin pagtagad iton ngatanan nga hinahatag nga suporta hit gobyerno. Ha kada topiko in ginhingdo hin tiupay agud maitanom ha ira mga hunahuna an kaimportansya hini nga training nga magagamit nira ha pagpakabuhi.

Sigon pa ni Aurora B. Delos Reyes, Resource Spreaker nga it malimpyo nga panlawas in dire la makakabulig para malikyan iton sakit nakakabulig gehapon ini agud magin mas maupay it serbisyo nga mahahatag ha mga customer ilabi na ha mga manarakay hit pedicab.

Samtang, dako gud an nagin pagpapasalamat han presidente han PDOA nga hi Joel Tangqui-on ha padayon nga paghatag hin suporta ha ira han local na panggobyernohan ilabi na ha DOLE ug PESO ha sugad ha ira nga mga pobre ngan guti la it income.

Sanglit, igin-aaghat ni,Municipal Mayor Annaliza Gonzales Kwan, PESO Head Maria Rina Vertulfo, ngan han tinaglawas han DOLE nga hi Cynthia Alicondo nga kinahanglan gud nira ini tagan hin pagtagad kay iton mga sugad nga higayon nga mga panalagsahon la.

An nakarawat nga mga pedicab in kaparte han iginpapatuman han DOLE nga Integrated Livelihood program.
ACO/JNS

Impressum

"Guiuan, Bungto ta...Higugma-a ta!"

Copyright © 2020. Municipality of Guiuan, Province of Eastern Samar. All rights reserved.
Powered by

Emergency Hotlines

  • Police Station

    • 09173498833

  • Fire Station

    • 09269921534

    • 09469382458

Do NOT follow this link or you will be banned from the site!