COMMUNITY TRANSMISSION HA BUNGTO HAN GUIUAN GIN PALUSAD HAN PHO

24 December 2020

COMMUNITY TRANSMISSION HA BUNGTO HAN GUIUAN GIN PALUSAD HAN PHO
Bisan kun nag palusad na adton Provincial Health Office hin impormasyon nga may ada na local transmission an bungto, padayon pa gihapon an pag damo hin tawo ha mga nag una nga katindahan ha merkado agud pag pamalit han ira mga konsumo ug lakip na adton pag haharampangan hini yana nga Pasko.Ha nakuha nga impormasyon yana la nga adlaw nagkamay-ada an bungto hin kadugangan nga 12 nga bag-o nga kaso han sakit nga Covid-19.
Suma total may-ada yana 59 nga active case an bungto, nga kundiin naka issolate na ini purya nala han 7 hini nga aadto ha mga nagkalain-lain nga Hospital ha Tacloban.
Padayon an gin bubuhat nga Contact Tracing hadton mga nagin close contact han mga nag positibo hini nga virus ngan hangyo gihapon han buhatan han RHU LGU-Guiuan pina agi kan Mayor Annaliz Gonzales Kwan ug Dra. Marichu Flores nga hagilayon mag-isolate an hin-o man nga mayda gin-aabat nga sintomas sugad han hiranat, ubo, sipon, kamaluya han panlawas ngan dayon magpahibaro ngadto han lokal nga mga awtoridad ha panlawas.
Samtang makikita ha mga hulagway an kuha yana la nga aga an damo nga mga Katawhan ha merkado ug nag una nga dalan bisan kun aada na ha Local Transmission an bungto.

Impressum

"Guiuan, Bungto ta...Higugma-a ta!"

Copyright © 2020. Municipality of Guiuan, Province of Eastern Samar. All rights reserved.
Powered by

Emergency Hotlines

  • Police Station

    • 09173498833

  • Fire Station

    • 09269921534

    • 09469382458

Official Website of Municipality of Guiuan