Congresswoman Maria Fe Abunda ug Mayor Annaliza Gonzales-Kwan kaupod an Sangguniang Bayan Members ha pangunguna ni Vice Mayor Veronica Cabacaba-Ramirez, an personal nga nag tunol hin cash assistance ngadto han mga nasunogan han Brgy. 6 bungto han Guiuan.

Basi han nakuha nga kasayuran aada ha P20,000 ug usa ka sako nga bugas an igin hatag ni congresswoman Abunda.

Samtang P5,000 naman an kan Mayor Annaliz ug han Sangguniang Bayan an igin hatag, purya la ini han mga nahiuna na nga tambulig han tagsa-tagsa nga opesyal han bungto.

Sigun han usa nga nasunogan ug kumarawat han ayuda, ”dako ini nga bulig ha ira nga mga nasunogan kay makakapag tikang ngahaw hira hiton pamalit hin gamit ug pag pondar hiton ira mga panginabuhian”.

Ha lain nga bahin, gin pahimangnuan adton mga nasunogan nga deri na bumalik ngada pag tukod hin balay, tungod nga igin didiri naman an pag tindog hiton dida nga dapit.

Sanglit para hadton mga nasunogan, ug waray na sadang katukoran hin balay, nag patapod hi Mayor Annaliz nga pag bibilngan hin lugar para ira maukyan.